කන්ද මුදුනත තුහින තුඩකින්
වෑස්සෙන මන රංගනා
වන්දනාවක සමනලුන් පය
විඩා නිවි සිලිලංගනා
කුංචනාදය වන පෙතින් එන
මං පෙත්හි මියු නංවනා
මල් මඤ්ජරී තැනි ගිම්තලා
රෑහි තුඩ තුඩ නැංවෙනා
අහසි'ඟුණු* මත වැටුණු සිකි පිල
සිප ගන්ට සිඳ අංගනා
දැන් එතැයි දැන් එතැයි බල බල
ගිරිස නැඟි ඉර අංජනා
*අහසිඅගුණු - අහස් අංගණය
Picture -
Claude Monet - Weeping Willow, 1918-1919
ලස්සන කවියක්. කවියක් වගේ ම තාලයක් ගැලපුවොත් ලස්සන ගීතයක් කියලයි මටනම් හිතෙන්නේ.
ReplyDeleteසිහින තොටුපොල අතැර එමි,
ReplyDeleteනෙත් අගින් මන කල් බන්දනා,
තුහින මල්පිපි හරිත නිම්නය,
සිත් පහන් වන අංජනා,
සිහිනයක මුදු සිතින් නැංවෙන
Deleteජල ජිද්ර මත ලියා ඇත මිත
හැම උදෑසන ම'හද දැල්වෙන
රහස නොකියා තියා සැනසෙන